Каратэ-до жаттықтырушыларына арналған облыстық семинар өтті

Бұл шараны Қызылорда облысының Дене шынықтыру және спорт басқармасы, ҚР каратэ-до федерациясы мен облыстық каратэ-до федерациясы ұйымдастырды. Шараның мақсаты - каратэ-домен шұғылданатын спортшылардың дайындық деңгейін жетілдіру, өзара достық қарым-қатынасты нығайту. Семинар барысында каратэ-додан ҚР вице-президенті, 7-ші дан иегері, республиканың аға жаттықтырушысы Жасталап Санауов 14 сағат практикалық сабақ жүргізді. Семинар жоғары деңгейде өтті. Оған Қызылорда, Байқоңыр қалалары мен Қармақшы ауданынан 12 жаттықтырушы қатысты. Сонымен қатар, бағдарлама барысында Жасталап Санауов облыста каратэ-до спортының дамуына үлес қосқан бірқатар жаттықтырушыны марапаттап, арнайы сертификаттар табыстады.