Қазақстандық каратэшілер Бакудегі турнирде 6 медаль жеңіп алды

Бакуде Әзірбайжан Ұлттық каратэ федерациясының 20 жылдығына арналған каратэден Baku Open (WKF нұсқасы) V халықаралық турнир өтті. Қазақстандық каратэшілер чемпионатта 6 медаль жеңіп алды. Атап айтқанда алтын жүлдеге Дархан Ассаділов (60 келі) пен Гөзел Ғафурова (68 келі) қол жеткізді. Анастасия Олешко (68 келі) күміс жүлдегер атанды. Екатерина Хуповец (50 келі), Сабина Захарова (55 келі) және Гауһар Шайкөзова (68 келі) қола медальға ие болды. Жүлде қоры 70 мың еуро болаған жарысқа 15 елден 300-ден астам спортшы қатысты.