Өскеменде ҚР V Бұқаралық спорт ойындары өтеді

10-14 қыркүйекте Қазақстанның 14 облысы, Астана мен Алматы қалаларының мықты спортшылары Өскемен қаласына жиналады, деп хабарлайды sports.kz. Қатысушылар V Бұқаралық спорт ойындарының бағдарламасына кіретін ҚР Президенті Нұрсұлтан Назарбаевтың жүлдесін сарапқа салады. Спортшылар спорттың 9 түрінен: волейбол, шағын футбол, қазақ күресі, тоғызқұмалақ, кір көтеру, қолкүрес, үстел теннисі, жазғы Президенттік көпсайыс және асық атудан 51 медаль үшін сынға түседі.