Баскетболдан Әлем чемпионатындағы қазақстандық алғашқы төреші

Испанияда өтіп жатқан баскетболдан Әлем чемпионатына қазақстандық төреші шақырту алды. Бұған дейін қазақ баскетбол тарихында мұндай болмаған. Енді Испанияға тек Қазақстанның ғана емес, Орталық Азияның да үздік төрешісі болып саналатын павлодарлық Евгений Михеев аттанды. Өткен маусымда Евгений Михеев ВТБ Лигасындағы ойындарға төрелік еткен болатын. Кеше ол Литва-Ангола ойынының төрешілер бригадасында жұмыс істеді.