Қазақстандық спортшылар Грузиядағы халықаралық экстремалдар эстафетасына қатысады

Қазақстандық экстремалдар командасы 13 қыркүйекте Грузияда басталатын «Ger Get It» халықаралық эстафетасына қатысады. Степанцминды таулы аймағында біздің спортшыларымыз күрделі маршрутты игеруі тиіс. «Ger Get It» жарысында қатысушыларға Терги өзенінен қайықпен жүзіп өту, жартасқа шығу, велосипедпен тауда жарысу, Гергети шыңына жүгіріп шығу тәрізді сындардан өтуге тура келеді, деп хабарлайды sports.kz. Еліміздің құрамасы кәсіби спортшылардан құралған. Атап айтқанда, оның құрамында есу слаломы спортының шебері Иван Новиков, велосипедші Юрий Шкердин, «Elbrus Race» халықаралық жарыстар жеңімпазы Аггей Скопин мен «On sight marathon» сайыстарының жүлдегері Дмитрий Линник бар.