Францияда Дүниежүзілік ат спорты ойындары басталады

Бүгін Францияның Канн қаласында әр 4 жыл сайын бір рет өткізілетін Дүниежүзілік ат спорты ойындары басталады. Қазақстанның атынан жарысқа Маңғыстау өңірінің жүйріктері қатыстады. Отандастарымыз бұл ойындарға кіретін 8 ат спорты түрінің ішінде аламан бәйгеге ұқсайтын сайысқа түспек. Бұл спорт түрі бойынша шабандоздар белгіленген бағытпен бір күн ішінде 160 шақырымды еңсеруі тиіс. Мәреге алғашқылардың бірі болып жету тікелей арғымақтың жағдайы мен бабына байланысты. Сондықтан, дүбірлі додаға қатысатын тұлпарлардың денсаулығы ветеринар-дәрігерлердің қатаң бақылауында.