Ақтауда кекушинкай каратэден облыстың ашық чемпионаты өтті

Ақтау қаласында республикалық «Бүкілқазақстандық кекушинкай каратэ ұйымының» жергілікті филиалы ұйымдастырған кекушинкай каратэден Маңғыстау облысының ашық чемпионаты өтті. Жарысқа 5 жастан жоғары 250 спортшы қатысты. Олардың арасында кішкентай ұлдар мен қыздар да, ересек каратэшілер де болды. «Біз бұл чемпионаттан халықаралық жарыстар үшін мықты спортшыларды іріктеп аламыз. Бұл жарыс жастар арасында салауатты өмір салтын насихаттау үшін де өткізіліп отыр. Осыған қоса, біздің ұйым Қазақстанда кекушинкай каратэден өтетін ІІ Әлем чемпионатына дайындылуда», - дейді «Бүкілқазақстандық кекушинкай каратэ ұйымының» президентінің көмекшісі Әділет Демежан. Облыстың ашық чемпионатында ақтаулық спортшылар жақсы нәтиже көрсетті.