ММА. Азия чемпионатында қазақстандық спортшылар үш «алтын» алды

Астанада аяқталған ММА  бойынша Азия чемпионатында қазақстандық спортшылар үш «алтын» алды.

77,1 келі салмақта қазақстандық Шавкат Рахмонов ресейлік Бек Умаровпен кездесіп, жекпе-жекте мерзімінен бұрын жеңіске жетті.

84 келі салмақта Дәурен Ермеков тәжік спортшысы Исломджон Ализодамен кездесіп, қарсыласын техникалық нокаутқа жіберді.

93 келі салмақта төбелескен Мурад Абдурахманов  үшінші «алтынды» иеленді. Оның қарсыласы – Оңтүстік Корея спортшысы Ли Дже Мин жекпе-жектен бас тартты.

М-1 Challenge 48 кәсіби турнирінде 77 келіге дейінгі салмақта қазақстандық Рашид Дагаев жеңімпаз атанды. Ол испандық Жерардо Нуньестен бірінші раундта басым түсті.