Басты Жаңалықтар Олимпиада-2022 ойындарын өткізу құқығына Алматымен тек екі қала бәсекелесуі мүмкін

Олимпиада-2022 ойындарын өткізу құқығына Алматымен тек екі қала бәсекелесуі мүмкін

26.01.2014 03:51

Олимпиада-2022 ойындарын өткізу құқығына Алматымен бірге тек екі қала бәсекеге түсуі ықтимал. Ол - Қытайдың Бейжің мен Польшаның Краков қаласы. Бұл туралы vesti.kz хабарлады.

Қазіргі уақытта Норвегия халқының 58 пайызы Осло қаласында 2022 жылы Олимпиада ойындарының өткізілгенін қаламайтындықтарын айтқан.

Дегенмен, қала басшылығы өз кандидатурасын шығаруға асықпауда. Ал Львов қаласының берген өтініші болса, Украинадағы саяси ахуалға байланысты тым сенімсіздеу көрінеді.

Еске сала кетейік, 17 қаңтарда Олимпиада ойындарын өткізуден Стокгольм қаласы бас тартқан болатын. Ол кезде шаһар басшылығы экономикалық базаның жоқтығын алға тартты.

Оның алдында Мюнхен қаласы да түсіп қалды. Себебі, жергілікті тұрғындар Олимпиаданың өткізілуіне қарсы дауыс берген.

Бөлісу