Елбасы Жолдауы жастарға жігер береді – Ермахан Ыбрайымов

Ермахан ЫБРАЙЫМОВ, 2000 ж. СИДНЕЙ ОЛИМПИАДАСЫНЫҢ ЧЕМПИОНЫ: Елбасы өз жолдауында көптеген мәселелерді айтты. Оның ішінде маған қатты ұнағаны жол салу мәселелері. Яғни, Астана қаласын өзге де еліміздегі облыс орталықтарымен байланыстыратын жолдар салу біздің еліміздің одан әрі қарай дамуына септігін тигізетін фактор деп есептеймін. Сонымен қатар, елбасының жолдауында жастарға көп көңіл бөлінді. Еліміздің ертеңі, болашағы жастар екені белгілі. Сондықтан да, Елбасының жастарға арқа сүйіп отырғаны бекер емес. Енді жастар қарап қалмай, сол талаптарға сай болу үшін еңбектенуі тиіс, оқып білім алулары қажет. Ертеңгі елдің тізгінін ұстауға лайықты болуға тырысу керек.