Үздік спортшы қыздарды анықтады

Республикалық «Sports.kz» порталы жылдың үздік спортшы қыздарын анықтады.  Бірінші орын Солтүстік Қазақстан облысының спортшысы  Маргарита Мукашеваға бұйырды. Ол 2013 жылы Қазан қаласында өткен жазғы Универсиадада 800 метрге жүгіруден жеңімпаз атанды. 

Екінші орынды оралдық палуан Екатерина Ларионова иеленді. 19 жастағы спортшы  Венгрияда  күрестен Әлем чемпионатының қола жүлдесін жеңіп алды.

Гір көтеруден әлемнің бес дүркін чемпионы, төрт дүркін әлем рекордын жаңартушы Татьяна Потемкина үшінші сатыға орналасты. Теміртаулық спортшы үшін бұл маусым сәтті өтті.