Басты Жаңалықтар Қазақ өнертапқышы төрт адам бір мезетте ойнай алатын шахмат ойлап тапты.

Қазақ өнертапқышы төрт адам бір мезетте ойнай алатын шахмат ойлап тапты.

07.12.2013 06:37

Қазақ өнертапқышы Азат Нұрдәулетұлы төрт адам бір мезетте ойнай алатын шахмат ойлап тапты. Төрт адам бір мезетте ойнай алатын шахматтың кәдімгі классикалық шахматтан біраз айырмашылығы бар. Мәселен, онда 128 торлы тақта болады және үш бірдей қарсыласты жеңуге мүмкіндігіңіз бар. Мұндай ерекше өнердің авторы – танымал өнертапқыш Азат Нұрдәулетұлы.

«Ізденістің басы Президенттен басталған. 80-ші жылдары Дизайн қоғамы құрылған кезде, ол кісі бізге келіп, «сендер неге Қазақстанда жасалды деген бірнәрсе ойлап таппайсыңдар?», деген еді. Ізденіс содан басталды. Қазір осы шахматты құрастырып, патент алғанымызға 10 жылдай болып қалды»,-дейді өнертапқыш.

Жалпы, Азат Нұрдәулетұлы балаларға арналған құрастырмалы киіз үй, жалғыз көзді бағдаршам, сейсмотұрақты кірпіш сынды бірқатар жобалардың авторы. Солардың ішінде баламасы жоқ қазақ шахматы – өнертапқыштың ең озық жаңалығы.

Осыдан бір-екі жыл бұрын Қазақстанға әлемнің түкпір-түкпірінен лауазымды тұлғалар жиналған еді. Қазақ шахматының қыр-сырына қаныққан олар халықаралық жарыс өткізуге ұсыныс жасапты.

Әзірге, еліміздегі 50-ге жуық мектеп пен жоғары оқу орындары осы ойынды үйрену үстінде.

Бөлісу