Волейбол. Қазақстан құрамасы келесі кезеңге шықты

Дубайда волейболдан ерлер командалары арасындағы Азия біріншілігі өтуде. Қазақстан құрамасы алғашқы іріктеу кезеңінен сүрінбей өтіп, екінші айналымда Иран, Оңтүстік Корея және Ирак құрамаларымен бір топқа түсті. Ширек финалға шығу үшін мұнда алғашқы екі орынның бірін иелену керек. Геннадий Паршинның шәкірттері бірінші ойында Оңтүстік Кореямен кездесіп, 3:0 есебімен ұтылып қалды. Екінші бәсекеде біздің жерлестеріміз Ирак құрамасымен күш сынасатын болады.