Түркістан мен Семейде спорт кешені салынады

Бокс, күрес, дзюдо, таэквондо және ауыр атлетикамен шұғылдануға арналған екі әмбебап дене шынықтыру-сауықтыру кешенінің құрылысы бой көтермек. Нысандар Семей мен Түркістан қалаларында салынады.

Құрылыс жұмыстары еліміздің бокс федерациясы, спорттық жекпе-жек және күш қолданылатын спорт түрлері конфедерациясы мен демеушілердің көмегімен жүзеге асырылуда.

Құрылыс жұмыстары аяқталғаннан кейін, нысан спорттық жабдықтармен қамтамасыз етіледі. Бокс, дзюдо, таеквондо,  күрес және ауыр атлетикадан спорттық үйірмелер ашылады, деп хабарлайды конфедерацияның ресми сайты.