Ардақ Назаров жеке спорт мектебін ашты

Танымал спортшы Ардақ Назаров Алматы қаласынан жеке спорт мектебін ашты.

«Alem Fighters» кәсіпқой спорт клубының салтанатты ашылу рәсіміне қала әкімі Ахметжан Есімов, Олимпиада чемпиондары Жақсылық Үшкемпіров пен Ермахан Ыбрайымов және басқа да еліміздің танымал спортшылары қатысты. Мектепті аралап, замануи үлгіде салынған жаттығу залдарымен танысты.

Жаңа ашылған мектепте енді әртүрлі жастағы балалар жаттығып, аталған спортпен машықтана алады. Сондай-ақ, орталықта салауатты өмір салты насихатталып, спорттың бірнеше түрінен дәрістер берілетін болады.