Қазақстандық палуан қыз Ларионова «қола» үшін белдесу мүмкіндігіне ие болды

63 келіге дейінгі салмақ санатында өнер көрсететін қазақстандық палуан қыз Екатерина Ларионова жұбаныш белдесуде жеңіске жетіп, Олимпиада ойындарының қола жүлдесіне таласу мүмкіндігіне ие болды. Аталған жекпе-жекте отандасымыздың қарсыласы швед спортшысы Хенна Йохансон болды. Кездесудің басым бөлігінде 1:0 есебімен ұтылып тұрған Екатерина, жекпе-жек аяқталуға жақын қалғанда 4 ұпай еншілеп жеңіске жетті.  Енді «қола» үшін өтетін кездесуде Ларионова АҚШ спортшысы Елена Пирожковамен белдеседі.