Алматы әуежайында Александр Зайчиков пен Денис Улановты ел құрметпен қарсы алды

Алматы әуежайында сағат түнгі 1:30-да «Амстердам-Алматы» рейсімен келген Олимпиада - 2016 ойындарының қола жүлдегері Александр Зайчиков пен төртінші орын иеленген зілтемірші Денис Улановты жұртшылық салтанатпен қарсы алды. Спортшыларды VIP-терминалда олардың туыстары, Қызылорда облысынан келген жерлестері, БАҚ өкілдері күтіп алды. «Мен үшін жанкүйер болған барлығыңызға алғыс айтамын. Бұл - Қазақстанның жеңісі. Менің еңбегім - осы медаль. Бұдан кейін де болады. Алға, Қазақстан!», - деді Александр Зайчиков.