Ресми: Головкин - Альварес ІІ кездесу қыркүйекте өтеді

Қазақстандық кәсіпқой боксшы Геннадий Головкин мен мексикалық Сауль Альварес арасындағы қарымта жекпе-жек 15 қыркүйек күні Лас Вегаста өтетін болды.

Бұл туралы қос тараптың промоутерлері хабарлап, екі жақты келісімге келгендігі жөнінде айтты. Естеріңізде болса қос былғары қолғап шеберлері арасындағы рематч 5 мамыр күні өтуі тиіс болған. Алайда мексикалық спортшының қанынан рұқсат етілмеген дәрумендер табылғаннан соң 6 айға спорттан шеттетілген еді.

Бокс сүйер қауым көптен күткен жекпе-жектің келісім-шартына сәйкес табыстың 57,5 пайызын мексикалық спортшы иеленетін болады. Ал, қалған 42,5 пайызы отандасымыздың еншісінде. Сарапшылардың есептеуі бойынша қаржылық тұрғыдан отандасымыз 40 миллион доллардан астам табыс табатын болады.