Маттео Боничиолли бапкерлік қызметінен кетті

«Астана» баскетбол клубы бас бапкер Маттео Боничиоллимен келісімшартты үзді.  Италиялық маман қазақстандық клубты жаттықтырған екі маусымда Қазақстан ұлтық лигасында екі рет чемпиондықты жеңіп алды. Үш рет ел Кубогын иемденді. 2012/2013 жылы «Астана» командасы ВТБ лигасының плей-офф кезеңіне шықты.

Маттео Боничиолли осы жазда баскетболдан Қазақстан құрамасына жетекшілік етті. Ел құрамасы Азия құрлығында 8-орынға жайғасты. Топтық кезеңде Бахрейн, Тайланд және Үндістан құрамаларын ұтты.

«Астана» командасы ВТБ Лигасындағы кезекті матчын 7 желтоқсанда «Химки»-мен өткізеді. Баскетболшылар бас жаттықтырушының міндетін уақытша атқарушы Виталий Стребковтің жетекшілігімен алаңға шығады.