«Цмоки-Минск» пен «Астана» кездеседі

Ертең астаналық баскетболшылар ВТБ Лигасы аясында алтыншы кездесуін өткізеді. «Астана» қарсыласы – Беларусь Республикасының «Цмоки-Минск» командасы.

Турнир кестесінде «Цмоки-Минск» астаналық баскетболшылардан бір саты алда тұр. Маттео Бонничиолли жаттықтыратын «Астана» өз алаңында екі рет жеңіске жеткенімен, қонақта үш рет жеңіліп қалған. Енді италиялық маман мен оның шәкірттері сырт алаңда жеңіске жетуге тырысады.  

«Минск-Аренада» өтетін ойынды «KAZsport» тікелей эфирде көрсетеді. Басталуы – 17:00.