Оңтүстік астанада Қазақ күресінен «Алматы Барысы» қалалық турнирі өтеді

Алматыда 2 мамыр күні Балуан Шолақ атындағы спорт сарайында ҚР Тәуелсіздігінің 25 жылдығы мен Алматы қаласының 1000 жылдығына орай қазақ күресінен «Алматы Барысы» атты қалалық турнир өтеді. Алматы қалалық дене шынықтыру және спорт басқармасының хабарлауынша, бұл шара «Спорттық Алматы» бұқаралық спортты дамыту бағдарламасы аясында жүзеге асырылады. Алматының ең мықты палуаны анықталатын бұл турнирге 8 ауданнан 24 палуан бағын сынайтын болады. Қазіргі кезде әр аудан бойынша іріктеу жарыстары өтіп жатыр. «Алматы Барысы» белбеуіне ие болған балуан алдағы уақытта Республикалық «Қазақстан Барысы» турнирінде қаламыздың намысын қорғайтын болады.