Жамбы атудан І Халықаралық «Алтын жебе» турнирі Астанада өтетін болды

Бұл туралы ҚР Ұлттық спорт түрлері қауымдастығының президенттің Бекболат Тілеуханның басшылығымен өткен жиын барысында мәлім болды, деп хабарлайды ulttyqsport.kz. Аталмыш жиынға Оған ҚР Мәдениет және спорт министрлігінің өкілдері, ҚР Ұлттық спорт түрлері бойынша мемлекеттік жаттықтырушылар, сонымен қатар, жамбы ату спортының мамандары қатысқан. Жиынға қатысушылар «Алтын жебе» турнирін 2016 жылы 28-тамызда Астана қаласында өткізу қажет деген шешім қабылдаған және бәсекеге қатысушы елдердің жобалық тізімі де жасалған. Жарыс Қазақстан Республикасы Ұлттық спорт түрлері және Түркі халықтарының дәстүрлі спорт түрлері халықаралық қауымдастығы, Қазақстан Республикасы Мәдениет және спорт министрлігі, Астана қаласы әкімдігінің қолдауымен өтетін болады.