Бейбіт Ыстыбаев Руслан Әбдіразақовты ұтып, екінші рет «Қазақстан Барысы» атанды

Жамбылдық палуан Бейбіт Ыстыбаев алғашқы кездесуде оңтүстікқазақстандық Нұрсұлтан Мыңғышовты ұтса, 1/8 финалда ол былтырғы «Қазақстан Барысы» шығысқазақстандық Мұхит Тұрсыновтан айласын асырды. Ширек финалда қызылордалық Нұрым Сәлімгереевті жеңді. Ал, елордалық Ғани Сейділдаевті таза әдіспен жеңіп, ақтық сайысқа шықты. «Қазақстан Барысы – 2015» турнирінің ақтық сайысында қызылордалық палуан Руслан Әбдіразақовты ұтып, екінші рет «Қазақстан Барысы» атанды. Еске сала кетейік, Бейбіт Ыстыбаев 2012 жылы да «Қазақстан Барысы» атанған.