«Еуразия Барысы-2015». Қазақстан құрамасы польшалық палуандарды 5:2 есебімен ұтты

Тараздағы «Тараз-Арена» спорт сарайында ІІІ халықаралық «Еуразия Барысы» турнирі өтуде. Биылғы жарысқа 8 мемлекеттен 56 спортшы қатысуда. Белдесулер 55, 66, 74, 82, 90, - 100, +100 келі салмақ дәрежелері бойынша өтпек. Қазақ хандығының 550 жылдық мерейтойына орай ұйымдастырылған турнирде Қазақстан құрамасы польшалық палуандарды 5:2 есебімен ұты. Енді келесі кезеңде Қазақстан командасы Түркия мен Ресей арасында өтетін кездесу жеңімпаздарымен белдеседі. 55 келі: Марат Нигматоллаев – Марек Ваврзкивич 1:0 66 келі: Бағдәулет Сәбитов – Бартоломей Гарбачик: 2:0 74 келі: Ринат Махмутов – Филип Пузыра 2:1 82 келі: Мақсат Мәзібаев – Козчински Радослав: 3:1 90 келі: Бекзат Ахметбеков – Трзешнивский Микола: 3:2 100 келі: Нұрым Сәлімгереев – Петр Сарек 4:2 + 100 келі: Бейбіт Ыстыбаев – Якуб Зарзечны 5:2. Еске сала кетейік, «Қазақстан» Ұлттық телеарнасы «Еуразия Барысы» жарысын тікелей эфирде көрсетіп жатыр.