Теңге ілу чемпионатына қатысатын елдердің қатары көбейіп келеді

30 тамызда Астанада өтетін Теңге ілуден І Ашық Азия чемпионатына қатысуға ынта білдірген мемлекеттер қатары күн санап көбейіп келеді. Қазіргі таңда Ресей Федерациясының Алтай Республикасына қарасты Қосағаш ауданынан Ербол Еділбаев бастаған теңге ілушілер, сондай-ақ, Тұрал Әлиевтің жетекшілігімен Әзірбайжан елінің спортшылары, Бенсзе Иштван бастаған Венгрия, Оразбек Тойғанбаев бастаған Қырғыз елінің спортшылары, Ахат Қуанышұлы бастаған Қытай елінің сайыпқырандары, Махмад Хакимовтің жетекшілігіндегі тәжікстандық жігіттер, Рахимжан Ходжиматов бастаған Өзбек азаматтары, Түркия елінен Алпарслан Жейлан және Моңғолияның Бай-Өлке аймағынан Әуесхан Ром басқарған қандастарымыз келеді, деп күтілуде, деп хабарлайды Ұлттық спорт түрлері қауымдастығының баспасөз қызметі.