«Қазақстан Барысы» турнирінің билеттері сатылымға түсті

Шілденің 4 күні қазақ күресінен Ұлт Көшбасшысы - Қазақстан Республикасының Президенті Н.Ә.Назарбаевтың жүлдесі үшін «Қазақстан Барысы» турнирінің финалдық белдесулері өтеді. Жалпыұлттық жоба аясындағы осы дәстүрлі турнирдің билеттері сатылымға түсті, деп хабарлайды «Қазақстан Барысы» қазақ күресін дамыту қорының баспасөз қызметі. Билеттердің құны: 1 мың, 3 мың және 5 мың теңге. Сондай-ақ, сатылған билеттер арқылы жүлде ойнатылмақ. Бас жүлдеге автокөлік қойылған. Билеттер Астана қаласындағы кассаларда және «Меломан» дүкендер желісінде сатылады.