Алматыда тоғызқұмалақтан ІІІ Әлем чемпионатына арналған баспасөз мәслихаты өтеді

Баспасөз жиыны 10 сәуір күні Алматы қаласында Балуан Шолақ атындағы спорт сарайында өтеді. Әлем чемпионатын ұйымдастырушылар Дүниежүзілік тоғызқұмалақ федерациясы, ҚР Мәдениет және спорт министрлігінің Спорт және дене шынықтыру істері комитеті, Алматы қаласының әкімдігі, Алматы қалалық Дене шынықтыру және спорт басқармасы. Чемпионат 2015 жылдың 13-17 сәуірі аралығында Алматы қаласындағы «АйСер» қонақ үйінде өтеді. Жарыстың салтанатты ашылу рәсімі 13 сәуір күніне жоспарланған.