«Әлем Барысы». Қазақстан намысын қорғайтын 4 палуанның есімі белгілі болды

25 қазан күні Павлодар қаласында өтетін «Әлем Барысы» халықаралық турнирінің жалпы жүлде қоры 150 мың АҚШ долларын құрайды. Оған әлемнің 32 елінен ең мықты деген палуандар келеді. Осы уақытқа дейін 6 құрлықтан келетін 22 палуанның есімі белгілі боған. Турнирге жарыс қожайыны ретінде Қазақстан атынан 4 палуан қатыса алады. Олар: Бейбіт Ыстыбаев (2012 жылғы «Қазақстан Барысы»); Айбек Нұғымаров (2013 жылғы «Қазақстан Барысы»); Асыл Бәрменов (2014 жылғы «Қазақстан Барысының» күміс жүлдегері); Руслан Әбдіразақов (2014 жылғы «Қазақстан Барысының» қола жүлдегері).