«Әлем Барысына» Грузия елінен келетін спортшы белгілі болды

25 қазанда Павлодар қаласында өтетін «Әлем Барысы» халықаралық турнирінде Грузия елінің намысын қорғайтын палуанның есімі – Гиорги Закариадзе. Палуанның дзюдодан ел ішінде ғана емес, әлемдік деңгейде де мықты нәтижелер көрсеткен. Туған жылы – 1993. Жасы – 21. Салмағы – 150 келі. Бойы – 190 см. Грузия палуанының дзюдодан жетістіктеріне тоқталсақ: 2009 жылы жасөспірімдер арасында Грузия чемпионы; 2012 жылы жастар арасында өткен Грузия чемпионатының қола жүлдегері; 2013 жылы жастар арасында өткен Грузия чемпионатының күміс жүлдегері; 2013 жылы ерлер арасында өткен Грузия чемпионатының қола жүлдегері; 2013 жылы жастар арасында өткен Еуропа чемпионатының қола жүлдегері; 2013 жылы Тбилиси қаласында өткен Еуропаның ашық біріншілігінің қола жүлдегері; 2013 жылы Берлин қаласында өткен Еуропаның ашық біріншілігінің жеңімпазы. vk.com/kazakhstanbarysy_2014