«Әлем Барысы» халықаралық турниріне Ресей атынан Максим Ширяев қатысады

25 қазанда Павлодар қаласында өтетін «Әлем Барысы» халықаралық турнирінде Ресей елінің намысын қорғайтын палуан – самбошы Максим Ширяев, деп хабарлады «Қазақстан Барысы» әлеуметтік парақшасы. Максим Ширяев 1988 жылы туған, жасы 26-да. Бойы – 189 см. Салмағы – 130 келі. Жетістіктері: Самбодан халықаралық санаттағы спорт шебері; 2012 жылы самбодан Еуропа чемпионатының қола жүлдегері; 2012 жылы самбодан Әлем Кубогының жалпы қорытындысы бойынша жеңімпаз; Аса ауыр салмақта самбодан 2014 жылы Ресей чемпионы атанған; 2010 жылы самбодан жастар арасында өткен Әлем Кубогының жеңімпазы; 2012 жылы самбодан Ресей чемпионатының күміс жүлдегері; 2010 жылы дзюдодан Ресей чемпионатының қола жүлдегері; 2006 жылы самбодан жасөспірімдер арасында Еуропа чемпионатының қола жүлдегері; 2008 жылы самбодан жастар арасында (18-20 жас) Еуропа чемпионатының қола жүлдегері; 2008 жылы самбодан жастар арасында (18-20 жас) Әлем чемпионатының қола жүлдегері; 2012 жылы самбодан Мәскеу қаласының ең үздік спортшысы атанған; 2014 жылғы «Мәскеу Барысы».