Қазақ күресінен «Әлем Барысы» халықаралық турниріне орай баспасөз мәслихаты өтеді

Ертең сағат 11:00-де «Rixos President Astana» қонақүйінің «Orda» конференц-залында «Қазақстан Барысы» қазақ күресін дамыту қорының қазақ күресінен «Әлем Барысы» және «Еуразия Барысы» халықаралық турнирлеріне арналған баспасөз мәслихаты өтеді. Қазақстанда тұңғыш рет қазақ күресінен «Әлем Барысы» халықаралық турнирі ұйымдастырылады. Бұл турнирде 30-дан астам алыс-жақын шетелдердің түйе палуандары күш сынаспақ. Сонымен қатар, Қазақстан құрамасы шетелдің құрамаларымен қазақ күресінен II «Еуразия Барысы» халықаралық турнирінде белдеседі. Баспасөз мәслихатынына Қазақстан Республикасының Мәдениет және спорт министрі - Арыстанбек Мұхамедиұлы, «Самұрық-Қазына» Ұлттық әл-ауқат қоры» АҚ Бас директоры - Дархан Қалетаев, Қазақстан Республикасы қазақ күресі федерациясының президенті - Арман Шораев, Павлодар облысының Дене шынықтыру және спорт басқармасының басшысы - Марат Айдашев, Жамбыл облысының Дене шынықтыру және спорт басқармасының басшысы - Гамлет Қайнарбеков, қатсады. Фото:ulttyqsport.kz