Шолпан-атада ІІ «Салбурын» халықаралық фестивалі басталды

Шолпан-ата қаласында (Қырғыз Республикасы) «Бүкіләлемдік көшпенділер ойындарының» ІІ «Салбурын» халықаралық фестивалі басталды, деп хабарлайды ulttyqsport.kz. Осы фестиваль аясында Азия-Африка құсбегілер федерациясының конференциясы өтуде. Бұл іс-шараға ҚР Ұлттық спорт түрлері қауымдастығының атқарушы директоры Ерлен Оспанов қатысты. Аталған іс-шара аясында «Кок бору», «Тогуз коргоол», «Кыргыз курошу», «Алыш», «Оодарыш», «Ат чабыш», «Жорго салыш», «Кунан чабыш», «Ордо», «Кыз куумай» спорт түрлері бойынша жарыс өтеді. Аударыспақ, тоғызқұмалақ, қазақ күресі сияқты ұлттық спорт түрлерінен бәсекеге спортшыларымыз аттанды. Естеріңізге сала кетейік, 8-14 қыркүйек аралығында Ыстықкөл жағасындағы Шолпан-ата қаласында ұлттық спорт жарыстары өткізіледі.