Жасөспірімдер арасында Ұлттық спорт түрлерінен ел біріншілігі өтеді

Жарысқа еліміздің 16 облысы мен Астана, Алматы қалаларының спортшылары қатысады. Алматы қаласында 31-ші шілде мен 4-ші тамыз аралығында көкпар, аударыспақ және теңге ілуден жасөспірімдер арасындағы Қазақстан Республикасының ІІІ чемпионаты өтеді. Жарысқа еліміздің 16 облысы мен Астана, Алматы қалаларының 1996-1998 жылы туған жасөспірім спортшылары қатысады, - деп хабарлайды Ұлттық спорт түрлері қауымдастығы. Чемпионат ҚР Спорт және дене шынықтыру істері агенттігінің 2014 жылға арналған бұқаралық-спорттық, сауықтыру іс-шаралары мен республикалық және халықаралық негізгі жарыстардың күнтізбелік жоспарына сәйкес өткізіледі. Ел біріншілігі Алматы облысы, Қарасай ауданы, «Қазанат» атшабарында өтеді.