Ақтауда әр сенбі сайын «Асық Party» өтеді

Ақтау тұрғындары «Асық Party» бастамасын астаналықтардан қағып алды. Елордада алғаш рет 3 мамырда өткізілсе, Ақтау тұрғындары 17 мамырдан бастап әр сенбі сайын ойнай бастады. Ал қазір «Асық Party» Шымкент жалғасын тапты, деп хабарлайды Lada.kz. «Біз «Асық ату» - ұлттық ойынын әрі қарай дамыта түсуді қалаймыз. Жас ұрпақтың арасында ұлттық ойындарды насихаттау маңызды. Екіншіден, бұл партриоттық рух беретін спорттық ойын», - дейді Ақтаудағы «Асық Party» ұйымдастырушыларының бірі Берік Дәуенов. Аз ғана уақыттың ішінде асық атуға келушілердің саны артқан. Олардың ішінде балалар да, үлкендер де бар. Қатысушыларға ынталанадыру сыйлығы да беріледі. Әзірге ұйымдастырушылар ойындарды өз күштерімен өткізіп келеді. Мұндай бастамаға демеушілердің қолдау білдіретіне үміттенеді. «Асық Party» ұйымдастырушыларының айтуынша, алдағы уақытта ләңгі тебуден жарыс ұйымдастырылмақ.