«Қазақстан Барысы» палуандары салмақ өлшейді

Бүгін, 27 маусымда сағат 19:00-де Астанадағы «Хан Шатыр» сауда және ойын-сауық орталығында «Қазақстан Барысының» финалдық сынына қатысатын палуандардың салмақ өлшеу рәсімі өтеді, деп хабарлайды ұйымдастырушылар. Айта кетейік, «Қазақстан Барысы-2014» турнирінің финалдық бәсекесі жексенбі, 29 маусымда елордадағы «Сарыарқа» велотрегінде өтеді. «Қазақстан» Ұлттық телеарнасы мен «KAZsport» телеарнасы бұл жарысты тікелей эфирде көрсетеді. Көрсетілім Астана уақытымен 13:00-де басталады. Естеріңізге сала кетейік, өткен маусымда «Қазақстан Барысы» атағын Шығыс Қазақстан облысының палуаны Айбек Нұғымаров жеңіп алды.