Қазақстандық боксшы жартылай финалға шықты

Былғары қолғапты батырымыз Дамир Тойбай Буэнос-Айресте өтіп жатқан Жасөспірімдер олимпиадасында жартылай финалына шықты.

Дамир Тойбай аса ауыр салмақ дәрежесінде өнер көрсетуде. Ширек финалда ол самоалық Толауа Туигомала кездесуі керек болған. Алған жарақатына байланысты қарсыласы кездесуден бас тартып, жеңіс біздің спортшыға берілді. 

Дамир Тойбай Буэнос-Айрестегі Жасөспірімдер Олимпиадасының ашылу салтанатында Қазақстанның көк байрағын ұстап шыққан болатын. Жуырда ғана Венгрия елінің астанасы Будапештте өткен жастар арасында әлем чемптонатының күміс жүлдегері атанған еді. 
Жартылай финал 16 қазан күні өтеді. Дамир канадалық Тетлуа Чуолмен қолғап түйістіреді. 

Фото:ҰОК