Жәнібек Әлімханұлы АҚШ-тағы алғашқы жекпе-жегінде жеңіске жетті

Қазақстандық кәсіпқой боксшы Жәнібек Әлімханұлы АҚШ-тың Окленд қаласында өткен бокс кешінде колумбиялық Карлос Галванмен кездесіп, жеңіске жетті. Орта салмақтағы жекпе-жек алты раундқа созылды. Барлық төрешілер отандасымыздың жеңісіне күмән келтірмеді. 

Бұл - Қазақстан боксшысының кәсіпқой бокстағы үшінші жекпе-жегі. Ол үш кездесуде де жеңіске жетті. Ал 27 жастағы Галван сегізінші рет (16 жеңіс, бір тең) жеңілді.

Естеріңізге сала кетейік, Жәнібек Әлімханұлы әйгілі Боб Арумның промоутерлік компаниясы қол астына өткен болатын. Енді отандасымыздың 3 қарашада Техас штатында америкалық боксшы Вон Александермен (12 кездесуде жеңген, бір рет жеңілген) кездесуі жоспарланған.