Билли Джо Сондерс допингпен ұсталды

WBO тұжырымдамасы бойынша орта салмақтағы Әлем чемпионаы Билли Джо Сондерс допинг дауына ұшырады.

Боксшыдан оксилофрин препаратының ізі табылған. Бұл препараттар адамның физикалық күшін көбейтуге арналған.

Сол себепті Сондерс пен Деметриус Андраде арасындағы 20 қазанға жоспарланған жекпе-жек өтпей қалуы мүмкін. Сонымен қатар, ол чемпиондық белбеуден айырылуы мүмкін. Егер WBO Сондерстің чемпиондық белбеуін тартып алса, оған Деметриус Андраде мен Уолтер Каутондокво таласатын болады.

Естеріңізге сала кетейік, Билли Джо Сондерс отандасымыз Әлемнің экс-чемпионы Геннадий Головкиннің салмақ дәрежесінде жұдырықтасады. Британдық боксшы мен Головкин арасындағы жекпе-жектің болуы туралы сыбыстар да жоқ емес.