«Мен сені нокаутқа жіберетін алғашқы адам боламын» - Жәнібек Әлімханұлы

Қазақстандық кәсіпқой боксшы Жәнібек Әлімханұлы WBА, WBC, IBO және The Ring тұжырымдамалары бойынша Әлем чемпионы Сауль «Канело» Альвареске жекпе-жекке шығу туралы ұсыныс тастады.

Қазақстандық проспект бұл туралы өзінің Instagram парақшасында мәлімдеді: ««Канело», сенің қуанышың ұзаққа созылмайды. Мен сені нокаутқа жіберетін алғашқы адам болмақпын. Мен саған «нағыз қазақ боксының» стильін көрсетемін. Мен дайынмын!»

Естеріңізге сала кетейік, Жәнібек Әлімханұлы Top Rank промоутерлік компаниясымен келісім-шартқа отырған болатын. Оның жеке бапкері болып Майк Тайсонды жаттықтырған тәжірибелі маман Бадди МакГирт болып табылады.