«Найзағай» Бостонға бет алды

««Найзағай» Бостонға бет алды». Қазақстандық кәсіпқой боксшы Данияр Елеусінов кезекті жекпе-жегін Matchroom промоутерлік компаниясы осылай жарнамалады. Отандасымыз өзінің төртінші жекпе-жегін 20 қазан күні Бостондағы бокс кешінде өткізеді.

Даниярдың қарсыласы әзірге белгісіз. Алайда, отандасымыз британдық Билли Джо Сондерс пен америкалық Деметриус Андраде арасындағы жекпе-жектің андеркартында өнер көрсететін болады.

Естеріңізге сала кетейік, Данияр Елеусінов соңғы кездесуін 4 тамыз күні венгриялық Габор Горбичке қарсы өткізіп жеңіске жеткен болатын.