Данияр Елеусінов екінші жеңісіне қол жеткізді

Қазақстандық боксшы, Рио олимпиадасының чемпионы Данияр Елеусінов Лондонда венгриялық боксшы Золтан Шабоны жеңді.

Лондондағы «York Hall» орталығында қазақстандық боксшы Данияр Елеусінов пен венгриялық Золтан Шабо қолғап түйістірді. Кәсіпқой бокстағы өзінің екінші кездесуін өткізіп жатқан жерлесіміз кезекті жеңіске қол жеткізді. «Қазақ Найзағайы» барлық 6 раунд бойы қарсыласынан жоғары болып, ұпай саны бойынша алға шықты.

Айта кетейік, Данияр Елеусінов кәсіпқой бокстағы алғашқы жекпе-жегін 28-ші сәуір күні америкалық боксшы Ноа Киддқа қарсы өткізіп нокаутпен жеңген еді.