Данияр Елеусінов кәсіпқой бокстағы екінші қарсыласын анықтады

Қазақстандық боксшы Данияр Елеусінов (1-0, 1 КО) өзінің кәсіпқой бокстағы екінші қарсыласын анықтады.

BoxRec.com порталы жариялаған мәлеметке сүйенсек «Қазақ Найзағайының» қарсыласы болып 30 жастағы венгриялық боксшы Габор Горбич (24-11, 14 КО) шықпақ. Жартылай орта салмақтағы жекпе-жек 6 раундқа дейін созылатын болады. Қос боксшы 6 маусым күні Лондонда өткелі жатқан Лоуренс Околи (8-0, 6 КО) — Люк Уоткинс (13-0, 9 КО) айқасының андеркартында жұдырықтасатын болады.

Естеріңізге сала кетейік, Данияр Елеусінов кәсіпқой бокстағы алғашқы жекпе-жегін 28 сәуір күні Нью-Йорк қаласында Дэниэл Джейкобс — Мацей Сулецки андеркартында өткізіп, америкалық Нао Кидты нокаутпен ұтқан еді.