Головкин мен Мартиросян соңғы салмақ өлшеу рәсімінен өтті

Қазақстандық боксшы Геннадий Головкин (37-0-1, 33 КО) мен америкалық Ванес Мартиросян (36-3-1, 21 КО) кездесу алдында салмақ өлшеу рәсімінен өтті.

Головкиннің салмағы 160 фунтты көрсетті, Мартиросян 159,6 фунт болды. Осылайша, екі боксшы да орта салмақтағы шектен асқан жоқ.

 Айта кетейік, Ванес мартиросян кәсіпқой бокстағы 2 жылдық үзілістен соң алғаш рет рингке шыққалы отыр. Ал, отандасымыз болса бұның алдында допинг дауына байланысты 6 айға спорттан шеттетілген мексикалық Сауль Альвареспен рематч өткізу керек болған еді.

Головкин-Мартиросян бокс кеші 5 мамыр күні Карссондағы StubHub Center аренасында (Калифорния штаты, АҚШ) өтеді.