Жанат Жақиянов: Барлық жеңісімді Қазақстанға арнаймын!

Жеңіл салмақта жұдырықтасатын (53,525 келі) қазақстандық кәсіпқой боксшы Жанат Жақиянов қатарынан 10-шы жекпе-жегінде жеңіске жетті. Грузия елінің боксшысы Гаги Эдишерашвилиді жеңген жерлесіміз өзінің EBU тұжырымы бойынша Еуропа чемпионы атағын қорғап, WBC тұжырымы бойынша Еуразия чемпионы атағын жеңіп алды. – Жанат, 12-ші қараша күні Сіз Австралияда жергілікті боксшы Фред Мандрабимен жекпе-жек өткізесіз. Ол туралы не білесіз? – Мен Австралияда EBU бойынша Еуропа және WBC тұжырымы бойынша Еуразия чемпионы атақтарымды қорғаймын. Мандробидің мықты және әлсіз тұстарын зерттеудемін. – Сіз бірнеше бокс ұйымының тұжырымы бойынша үздік 10 боксшы қатарындасыз. Өзіңіз қай бокс ұйымының тұжырымы бойынша жоғарылағыңыз келеді? – Қазір өз салмағымда бірнеше ұйымның үздік 10 боксшысы қатарындамын. Алайда WBC тұжырымы бойынша 2-ші орында келемін. Сондықтан біздің мақсатымыз – Әлем чемпионы атағына міндетті үміткер қатарына көтерілу. – Қазақстандық жанкүйерлеріңізге айтар тілегіңіз бар ма? – Мен өз командама: промоутерім Рикки Хаттонға, менеджерім Филип Фондю мен Ерік Жайлауовқа, сонымен қатар бапкерлерім Рикки Хаттон мен Майк Джексонға рахмет айтқым келеді, бұл біздің ортақ жеңіс. Барлық жеңісімді өзімнің Отаным – Қазақстанға арнаймын! Маған қолдау көрсетіп, жанкүйер болған барша адамға алғыс айтамын! sports.kz Фото: hattonboxing.com