Дэвис Кубогы. Қазақстан құрамасынан Швейцарияға қарсы ойнайтын теннисшілер анықталды

Аталған додада Михаил Кукушкин (ATP рейтингінде 69-орын), Александр Недовесов (234) Дмитрий Попко (248), Тимур Хабибулин (783) және дебютант Роман Хасанов (711) бақ сынайды. Дэвис кубогы 2-4 ақпан күндері аралығында «Qazsport» телеарнасынан тікелей эфирде көрсетілетін болады. 
Естеріңізге сала кетсек, Қазақстан Дэвис кубогына 1995 жылдан бері қатысып келеді. Ұлттық құрамамыз 2010 жылы бірінші рет Әлемдік топқа іліккен болатын. Ал 2011, 2013, 2014 және 2015 жылдары жарыстың ширек финалына шықты.