Юлия Путинцева WTA рейтингінде 35-ші орынға көтерілді

Қазақстанның бірінші ракеткасы Юлия Путинцева спорттық мансабында алғаш рет Қыздар теннис қауымдастығының (WTA) рейтингісінде 35-ші орынға көтерілді. Францияда өткен «Ролан Гаррос» турнирінде Юлия Путинцева ширек финалға өтіп, әлемнің бірінші ракеткасы Серена Уильямстан жеңіліп қалған еді. «Ролан Гаррос» турнирінің ширек финалына шыққаны үшін Ю.Путинцева бірден 25 сатыға көтеріліп, 35 орынға тұрақтады. Бұған дейін 21 жастағы қазақстандық теннисшінің рейтингтегі үздік көрсеткіші 53-ші орын болған еді. Айта кетейік, Юлия Путинцева 35-ші орынға көтеріліп қана қоймай, Рио Олимпиадасының жолдамасын да иеленді.