Юлия Путинцева мен Ярослава Шведова теннистен Индиан-Уэллс турнирінің екінші кезеңіне өтті

Қазақстандық теннисшілер Юлия Путинцева мен Ярослава Шведова теннистен АҚШ-та өтіп жатқан Индиан-Уэллс турнирінің бірінші айналымында жеңіске жетті. Алғашқы ойында Юлия Путинцева қытайлық Пэн Шуайды 6:0, 6:1 есебімен ұтты. Индиан-Уэллстің екінші айналымында Юлия франциялық Кристина Младеновичпен кездеседі. Ярослава Шведова чехиялық теннисші Кристин Плискованы - 6:3, 6:7, 7:5 есебімен жеңді. Ал, тағы бір қазақстандық теннисші Галина Воскобоева бірінші айналымда британиялық Хизер Уотсоннан - 6:7, 6:4, 1:6 есебімен жеңіліп қалды.