Дэвис Кубогы. Қазақстандық теннисшілер Сербия құрамасынан жеңіліп қалды

Белградта (Сербия) Дэвис Кубогының Әлемдік тобындағы 1/8 финалы аясында Сербия мен Қазақстан арасындағы ойындар аяқталды. Сербия мен Қазақстан арасындағы бірінші ойында Қазақастан құрамасының теннисшісі Александр Недовесов әлемнің №1 ракеткасы серб Новак Джоковичтан ұтылып қалған болса, екінші ойында Михаил Кукушкин қарсыласы Виктор Троицкиді ұтқан еді. Ал, қос ел арасындағы үшінші жұптық ойында Қазақстан құрамасы сапынан кортқа Александр Недовесов/Андрей Голубев ал, сербиялықтардан Новак Джокович пен Ненад Зимонич шыққан болатын. Үш сетке созылған ойында қазақстандық теннисшілер 3:6, 6:7, 5:7 есебімен жеңіске жетті. Сербия-Қазақстан арасындағы төртінші ойында Новак Джокович пен Михаил Кукушкин күш сынасқан. Нәтижесінде Новак Джокович жерлесіміз Михаил Кукушкинді 6:7, 7:6, 4:6, 6:3, 6:2 есебімен жеңді. Ал, Виктор Троицки – Александр Недовесов арасындағы соңғы бесінші ойында серб теннисшісі 6:2, 6:3, 6:4 есебімен жеңіске жетті. Сербия-Қазақстан арасындағы жалпы есеп – 3:2. Сербия құрамасы Дэвис Кубогының келесі кезеңіне шықты.