Зарина Диас теннистен «BMW Malaysian Open» турнирінің жұптық сайысында ширек финалға шықты

Малайзия астанасы Куала-Лумпурде теннистен басталған «BMW Malaysian Open» турнирінің жұптық кезеңінің алғашқы айналымында жеңіске жетті. Зарина Диас қытайлық теннисші Йи Фан Сюмен жұп құрап, екі сетте Дарью Юрак / Николь Меличар жұбын — 7:6, 6:1 есебімен ұтты. Енді Диас және Сю жұбы ширек финалда Нао Хибино (Жапония) / Чжан Лин (Гонконг) дуэтіне қарсы ойнайды. Еске сала кетейік, Зарина Диас турнирдің жекелей бәсекесінде екінші айналымға шыққан болатын. Ол екінші кезеңде қытайлық Чжу Линьмен күш сынасады.