Юлия Путинцева «Qatar Total Open» турнирінің екінші айналымына өтті

Қазақстанның бірінші ракеткасы Юлия Путинцева Катар астанасы Дозада өтіп жатқан «Qatar Total Open» турнирінің екінші айналымына шықты. Юлия Путинцева алғашқы айналымда әлемнің 29-ракеткасы словакиялық Анна Шмидловамен ойнап, екі сетте 6:2, 6:4 есебімен ұтты. «Qatar Total Open» турнирінің екінші кезеңінде Путинцева әлемнің 11-ракеткасы швейцариялық теннисші Тимеа Бачинскимен күш сынасады. Еске сала кетейік, тағы бір қазақстандық теннисші Зарина Диас екінші кезеңге өте алмады. Ол бірінші айналымда латвиялық Елена Остапенкодан 1:6, 3:6 есебімен ұтылып қалды.